Со одигрувањето на финалите натпревари во машка и женска кај професионалците, вчера заврши осмото отворено првенство на Македонија во одбојка на песок „Охрид 2014’’.
Завршницата на годинашното издание не „Бич-волеј Охрид 2014’’ практично беше реприза на првиот турнир, кој пред осум години се одржа во Охрид 2006 година, па како и тогаш и овој пат шампионите се исти.
Кај дамите, најдобри беа Софка Камиловска и Сандра Георгиевска кои во финалето славеа победа против Уна Карановиќ и Бранислава Тасевска. Третото место им припадна на младите Ана Павлоска и Мартина Исајлоска.
На машкиот дел од турнир најдобри беа браќата Јовица и Дејан Симовски кои во финалето беа подобри од Деан Стојанов и Тони Мојсовски. Третото место го освоија ланските победници Валон Никчи и Газменд Хусај од Косово.
Победниците од Охрид ќе поделат награден фонд од две илјади евра.