Македонскиот репрезентативец Ренато Вугринец кариерата ќе ја продолжи во катарскиот клуб Лахвија од Доха.
Досегашниот член на Металург трансферот во Катар го договорил за време на Светското првенство во оваа земја на кое настапуваше и Македонија. Словенецот со македонски пасош ги прифатил понудените услови и ставил потпис на петмесечен договор со Лахвија.
Неизвесноста со иднината на Металург е причината и други играчи од македонскиот шампион во најскоро време да преминат во нова средина. Најблиску до трансфери по прикажаните игри на СП се крилата Гоце Георгиевски и Дејан Манасков, како и Филип Миркуловски.
Металург во првата недела од февруари според распоредот го очекуваат три настапи во СЕХА лигата. Останува да се види дали и со каков состав металурзи ќе настапат на овие натпревари.