Кошаркарските репрезентативци на Македонија го завршија подготвителниот период за настап на предолимпискиот турнир во Венецуела (2-8 јули) откако рано утринава по втор пат во два дена загубија од селекцијата на Порторико со 72:84 во меч одигран во Сан Хуан.
Најефикасен во вечерашниот меч во таборот на македонскиот национален тим беше Владо Илиевски со учинок од 18 поени и по два скока и асистенции додека Лестер Бо Мекејлеб и Перо Антиќ средбата ја завршија со дабл-дабл учинок и тоа со 15 постигнати поени и 10 асистенции односно 11 скокови.