Во македонската кошарка се игра финалната серија од плеј-офот, а вечерва во Гевгелија е натпреварот број 2. Од 19 часот во салата „26 Април“ Кожув ќе му биде домаќин на МЗТ Скопје Аеродром.
Моменталниот резултат е 1-0 во победи за МЗТ Скопје кој е бранител на титулата. Со евентуална победа „аеродромци“ ќе имаа значајно водство во трката прв до четири победи.
Во спротивно, гевгеличани ќе изедначат и ќе ја вратат неизвесноста во финалната пресметка.
Освен враќање на неизвесноста, предизвик за Кожув ќе биде и спречување на водството од 2-0 во победи за противникот, бидејќи од таква негатива ниеден клуб во разигрувањето за титулата во независна Македонија не успеал резултатски да се врати и на крајот да биде поуспешен од противникот.