Американката Линдзи Вон го освои вториот кристален глобус сезонава во Светскиот куп, откако денеска победи на последната трка од дисциплината супервелеслалом возена во француски Мерибел.
За Вон ова е петти кристален глобус од оваа дисциплина и 19. во кариерата.
Вчера најтрофејната американска скијачка го освои трофејот и во спуст.
Победничкото време на денешниот „Супер-Џи“ изнесува 1:07.70 минути. Втроа беше Ана Фенингер (Австрија) со 49 стотинки заостанување, а трета Тина Мазе (Словенија) со 80 стотинки побавно време од победничката.
Вон воедно го подобри и рекордот со 67 победи во Светскиот куп.
Конечен пласман во супервелеслалом:
1. Вон 540 бодови,
2. Фенингер 512,
3. Мазе 390,…
Генерален пласман во Светскиот куп:
1. Фенингер 1.453,
2. Мазе 1.421,
3. Вон 1.042,…
До крајот на сезоната остануваат уште две трки, една слаломска и една во дисциплината велеслалом.