Компанијата Волво ги започна тестирањето на своите зглобни електрични автобуси, во Гетеборг, Шведска. Во сообраќај се очекува да бидат пуштени во јуни.
Новите автобуси се долги 18,7 метри и можат да соберат до 135 патници, што е значително повеќе од 12-метарските електробуси, односно моделот 7900 кој сега е во продажба.
Денес Волво има само два прототипа на зглобни електрични Електри-Сити автобуси.
Новите електробуси на Волво имаат поголема батерија, Оп-Чарџ систем за брзо полнење (до 450 киловати) на автобуските станици.