Во голема полициска акција во Истанбул приведени се повеќе од 100 навивачи за кои турската полиција доби сознанија дека учествувале во нередите на неделното дерби Бешикташ – Галатасарај.
Освен навивачи на овие два клуба приведени се и помал број навивачи на третиот голем истанбулски фудбалски клуб, Фенербахче.
Натпреварот беше прекинат при резултат 2:1 за Галатасарај, по што следуваа големи судири меѓу полицијата и навивачите.
Турската фудбалска федерација го казни Бешикташ со четири натпревари на домашен терен без присуство на публика, како и парично со 25 илјади евра.
Инцидентот на дербито директно влијаеше да реагира и турската влада чии претставници ветија почеток на борба со хулиганите, а како опција се најавуваат ригорозни мерки меѓу кои и можност за изрекување казна на самиот стадион која може да биде и затворска.