Во склоп на борбата против загадувањето градот Париз ги забрани за возење автомобилите регистрирани пред 2000-та година.
Според новата регулатива, сите автомобили мора да имаат налепница на која што има шест категории, како што се годината на производство, енергетската ефикасност и количината на издувни гасови.
Возилата кои што ќе бидат со налепница од „петто ниво“, што ќе укажува дека се возила на дизел произведени во периодот од 1997-ма до 2000-та година, нема да можат да возат по улиците на Париз.
Возилата произведени пред 1997-ма година и камионите и автобусите произведени пред 2001-ва година не спаѓаат во ниту една категорија, што значи дека воопшто не смее да се возат по улиците на главниот град на Франција во периодот од понеделник до петок помеѓу 8 часот наутро до 8 часот вечерта.
Во спорната категорија се наоѓаат околу 6 отсто од вкупниот број на возила регистрирани во Франција.
Според градоначалничката на Париз, Ан Идалго, овие регулативи се неопходи поради зголеменото ниво на аеро-загаденост во главниот град и се со цел да се охрабрат возачите да ги променат своите навики како би се намалил интензитетот на сообраќајот.