На претстојниот Саем за автомобили во Лос Анџелес, „Порше“ ќе ја претстави новата „Панамера Ексклузив“, чија основна карактеристика е зголеменото меѓуосовинско растојание.
Исто како што беше случајот со првата генерација на „Панамера“, „Порше“ и во второто издание подготви верзија со зголемено меѓуосовинско растојание каде најмногу ќе профитираат патниците на задните седишта.
Во однос на стандардната „Панамера“, чие меѓуосовинско растојание е 2.950 милиметри, должината на верзијата „Ексклузив“ меѓу осовините изнесува 3.100 милиметри, што се дополнителни 150 милиметри, осносно 180 милиметри во споредба со меѓуосовинското растојание на првата генерација на „Панамера“. Сето ова без сомнеж ќе го зголеми нивото на удобноста на задните седишта.
„Панамера Ексклузив“ е опремена со поголема задна централна конзола, тука се и преклопните масички, а во опциската опрема може да се добие и посебен мултимедијален систем за патниците на задните седишта, кој содржи 10,1 инчни монитори поставени на потпирачите на седишта пред нив, кои може да се вадат и да се користат и надвор од автомобилот.
Во стандардниот дел на богатата опрема на „Панамера Ексклузив“ спаѓа и големиот панорамски стаклен покрив, електрично се подесуваат сите седишта и посебната заштита против сонце над задните седишта.
За удобноста која се очекува од луксузната лимузина се грижи активна воздушна хидраулика која обезбедува оптимално намалување на тресењето под тркалата на „Панамера“.
Продолжената верзија „Панамера Ексклузив“, Порше ќе ја нуди верзиите „Панамера 4“, „Панамера 4-Е Хибрид“, „Панамера 4С“, но и со најсилната „Панамера Турбо“.
Купувачите кои ќе го одберат моделот 4С или „Турбо“ во сериската опрема ќе можат да сметаат на управување преку двете осовини, адаптивни ЛЕД светла, амбиентално ЛЕД осветлување на патничката кабина и четиризонски клима уред.