Американката Серена Вилијамс и Викторија Азаренка од Белорусија ќе се борат за трофејот на престижниот тениски турнир во Индијан Велс.
Ова е епилогот по двете полуфиналиња одиграни изутринава. Првата носителка и најдобра светска тенисерка во моментов, Вилијамс, беше подобра од Агњешка Радванска со 2-0. Првиот сет заврши 6:4, а во вториот се играше тај-брејк кој со убедливи 7:1 му припадна на фаворитката.
Многу понеизвесно беше на второто полуфинале, кое заврши по три сета. Во првиот Азаренка победи на тај-брејк со 7:1. Вториот сет Каролина Плишкова (Чешка) го реши во своја полза со 6:1, а одлучувачкиот сет и припадна на Азаренка со 6:2.
Финалето ќе се одигра утревечер со почеток во 20 часот.