Кошаркарите на Сан Антонио со триумфот над Далас ноќеска го обезбедија пласманот во НБА плеј-офот, како прва екипа од „Запад“ или втора по Мајами.
Пред своите навивачи „мамузите“ го совладаа Далас со 92:91, а притоа Винс Картер го промаши последниот шут за победа на Далас, па така шампионот од 2011 година е се подалеку од пласман во завршницата, за првпат по 15 сезони.
Најдобар играч на натпреварот беше Тим Данкан имаше 28 поени и 19 скокови, додека Новицки кај Далас натпреварот го заврши со 21 поен и 11 скокови.
Воедно Сан Антонио е првата екипа која стигна до 50-та победа.
На вториот натпревар одигран ноќеска Портланд на свој терен оствари победа над Њујорк со 105:90. Гостите натпреварот го одиграа повредените Амаре Стадемаер, Кармело Ентони и Тајсон Чандлер.
Вечерва на програмата се 10 натпревари: Торонто – Шарлот, Вашингтон – Њу Орлеанс, Индијана – Лос Анџелес Лејкерс, Атланта – Феникс, Хјустон – Минесота, Оклахома Сити – Орландо, Милвоки – Мајами, Далас – Кливленд, Денвер – Мемфис и Голдн Стејт – Чикаго.
Пласман Источна конференција: Мајами 49-14 (победи-порази), Индијана 40-24, Њујорк 38-25, Бруклин 38-27, Чикаго 35-29, Бостон 35-29, Атланта 35-29, Милвоки 32-31,…
Пласман Западна конференција: Сан Антонио 50-16, Оклахома Сити 48-17, Мемфис 44-19, Лос Анџелес Клиперс 45-21, Денвер 44-22, Голден Стејт 37-29, Хјустон 35-30, Лос Анџелес Лејкерс 34-32, Јута 33-32,…