Астон Мартин ја претстави кабрио изведбата на моделот „Ванквиш“ под името „Ванквиш Воланте“. Ванквиш Воланте, освен мекиот покрив што се собира за 14 секунди, надворешно е ист како и купе верзијата.
За погонот на овој луксузен кабриолет е задолжен 6,0 литарски В12 мотор со 573 коњски сили, чија моќ се пренесува на задните тркала преку „Тачтроник 2“ шестстепен менувач.
Забрзувањето од 0 до 100 километри на час изнесува 4,1 секунда, додека максималната брзина изнесува 294 километри на час.
Ванквиш Волнате има тело изградено од карбонски влакна поради што тежината е намалена на 1.844 килограми.
Астон Мартин Ванквиш Воланте на британскиот пазар ќе се продава по цена од 199.995 фунти, додека во Германија ќе изнесува 264.995 евра. Првите испораки во Европа се очекуваат до крајот на годинава.
