Видео од претепувањето на претставник на тимот Партизан во Киев се појави на социјалните мрежи. На него се забележува како група на луѓе го шутира и скока по момчето кое што лежи на земја, а потоа групата бега.
Како што се наведува на Инстаграм, каде што е поставено видеото нападот се случил пред натпреварот помеѓу Динамо Киев и Партизан во четвртокот.
Од Партизан соопштија дека пред хотелот во Киев биле нападнати и претепани камерманот и монтажер на ТВ Партизан. Тие биле нападнати од хулигани на Динамо со фантомки на главите, додека екипата на ТВ Партизан на себе немала никакви обележја на тимот.
Хулиганите ги чекале пред хотелот во кој што беше сместена делегацијата на ФК Партизан и претставниците на медиуми и ја нападнале екипата бидејќи зборувале српски.