Двете првопласирани екипи во конферециите во НБА лигата Мајами (Исток) и Сан Антонио (Запад), ноќеска немаа проблеми и постигнаа гостински победи.
Првакот Мајами го совлада Чикаго со 86:67 и ја постигна деветта победа во серија и само се зацврсти на водечката позиција во конференцијата.
Прв играч на натпреварот беше Леброн Џејмс со 26 поени и 12 скока, а Двејн Вејд дуелот го заврши со 17 поени. Сепак одличната одбрана беше „клучот“ за победата.
Лидерот на лигата Сан Антонио има биланс од 22 победи и 10 порази на гостувањата, а на последните пет натпревари скорот им е 5-0. „Мамузите“ ноќеска постигнаа важна победа совладувајќи го третиот тим од „Запад“ Лос Анџелес Клиперс со 116:90.
Најефикасен беше Тони Паркер со 31 поен.
Вечерва во НБА лигата се играат 12 натпревари, а двојките се: Торонто – Њујорк, Вашингтон – Денвер, Шарлот – Чикаго, Индијана – Детроит, Бруклин – Хјустон, Атланта – Сакраменто, Мемфис – Орландо, Њу Орлеанс – Далас, Оклахома Сити – Минесота, Феникс – Бостон, Лос Анџелес Лејкерс – Портланд и Голден Стејт – Сан Антонио.
Пласман Источна конференција: Мајами 38-14 (победи-порази), Њујорк 32-19, Индијана 33-21, Бруклин 33-22, Чикаго 31-23,…
Пласман Западна конференција: Сан Антонио 44-12, Оклахома Сити 39-13, Лос Анџелес Клиперс 39-18, Мемфис 35-18, Денвер 34-21,…