Олимпискиот оган пристигна во Јужна Кореја на 100 дена до почетокот на Зимските олиписки игри што ќе се одржат во Пјонгчанг.
Честа први на „домашно тло“ да го носат огнот го имаа освојувачката на златен олимписки медал во лизагање Кум Ју-На и министерот за спорт.
The @OlympicFlame arrives in Incheon #100DaysToGo @PyeongChang2018 @Olympics pic.twitter.com/pR2GGZFv44
— IOC MEDIA (@iocmedia) November 1, 2017
ЗОИ во Пјонгчанг ќе се одржат од 9 до 25.февруари. Околу 7.500 луѓе се избрани да го носат факелот со олимпискиот оган, а патот ќе биде долг 2018 километри низ целата држава.
Организаторите се загрижени дека се продадени само 180.000 влезници од вкупно 1.180.000. Добро се продаваат влезниците за спортовите како хокеј на мраз, уметничко лизгање и брзо лизгање, додека слабо оди продаржбата за спортови како санкање, крос кантри ислично. За продажбата на влезниците секако големо влијание има и состојбата со Северна Кореја, која постојано ја демонстрира својата нуклеарна сила.
Градот домаќин на Игрите Пјонгчанг се наоѓа на само 80 километри од границата.