Екипата на Оклахома Сити успеа да се избори за позицијата број 1 во Западната конференција од НБА лигата, откако ноќеска ја постигна 60.та победа сезонава по триумфот над Сакраменто.
За обезбедување на пол-позицијата, во прилог им одеше и поразот на Сан Антонио кај Голден Стејт.
До крајот на регуларниот дел предвидени се уште 17 натпревари, а за последното место на „Запад“ и натаму во игра се Јута и Лос Анџелес Клиперс.
Резултати од ноќешните натпревари: Шарлот – Њујорк 106:95, Орландо – Чикаго 84:102, Кливленд – Мајами 95:96, Бруклин – Вашингтон 106:101, Детроит – Филаделфија 109:101, Милвоки – Денвер 111:112, Далас – Мемфис 97:103, Оклахома Сити – Сакраменто 104:95, Минесота – Јута 80:96, Феникс – Хјустон 119:112 и Голден Стејт – Сан Антонио 116:106.
Поради терористичкиот напад за време на Бостонскиот маратон откажан е вечерашниот натпревар меѓу Бостон и Индијана и овој дуел нема дополнително да се игра.
Исходот од овој дуел нема да влијае на конечниот пласман, а е откажан во знак за почит кон жртвите на маратонот.
Натпреварот Атланта – Торното е презакажан за половина час и ќе се игра во 20 часот по локално време, а на програмата е уште натпреварот ЛА Клиперс – Портланд.
Пласман Источна конференција: Мајами 65-16 (победи – порази), Њујорк 53-28, Индијана 49-31, Бруклин 48-33, Атланта 44-36, Чикаго 44-37, Бостон 41-39, Милвоки 37-44,…
Пласман Западна конференција: Оклахома Сити 60-21, Сан Антонио 58-23, Денвер 56-25, ЛА Клиперс 54-26, Мемфис 55-26, Голден Стејт 46-35, Хјустон 45-36, ЛА Лејкерс 44-37, Јута 42-38,…