Mercedes ја претстави најмоќната изведба од шестата генерација на моделот S-класа. Моделот го носи името S63 AMG.
Под хаубата се наоѓа 5,5 литарски битурбо V8 мотор со 585 коњски сили и вртежен момент од 900Nm. Моделот ќе биде достапен во три изведби – со нормално и со продолжено меѓуоскино растојание, како и верзија со погон на сите четири тркала 4MATIC која ќе биде достапна за продолжениот модел.
При изработката на каросеријата многу е користен алуминиумот, па новиот S63 AMG е полесен стотина килограми од претходникот, а тежи 1.970 килограми.
Овој голем и моќен автомобил, забрзува до 100-ка за 4,4 секунди, а моделот со погон на сите четири тркала, е побрз за четири десетинки. Сепак двете верзии се ограничени на 250 километри на час, а комбинираната потрошувачката изнесува 10,3 литри на 100 километри.
Продажбата треба да стартува до крајот на годината, а цената сѐ уште не е позната.