Македонската женска јуниорска кошаркарска репрезентација претрпе катастрофален пораз на ФИБА „Челинџер“ купот, откако попладнево во второто коло на турнирот во Софија загуби од Словенија со 88:22.
Победникот на натпреварот беше познат веќе по првиот дел, во кој „црвено–жолтите“ девојки не постигнаа ниту еден кош, а четвртината заврши со резултат 34:0.
Во редовите на македонскиот состав уследи нов голем пад во играта во последната четвртина, која Словенките ја решија во своја корист со 30:0, за на крајот да слават убедлива победа со 66 поени разлика.
Македонските кошаркарки под 18 години во воведниот натпревар од ФИБА купот во Софија загубија од Украина со 69:52, а следен противник ќе им биде домаќинот Бугарија.