Pikes Peak или врвот на Пајк, е врв висок 4302 метри на Камените планини во Колорадо, САД.
Трката по овие планини е една од најопасните во светот, исполнета со свиоци од 180 степени, извивајќи се како змија до самиот врв. Тука се покажува кој е возач, а кој не. Многумина нема да ја завршат, а ни опасноста по животот не е непозната за оваа трка. Годинава ќе се одржи по 91 пат.
По четиринаесет години отсуство од трката Pikes Peak International Hill Climb, оваа година Peugeot ќе се појави повторно, а францускиот производител веќе почна да го тестира автомобилот 208 Т16, со кој рели возачот Себастијан Лоеб ќе се натпреварува на оваа спортска манифестација.
Составот на јаглеродни влакна од кој е конструирана каросеријата на ова возило нема да го најдете во ниту во едно официјално застапништво за автомобили, ниту во светски најпознатите сервиси за надградба и преобразба на автомобили.
