Во директната пресметка на двата најдобри тима од Источната конференција во НБА лигата, синоќа шампионот Мајами загуби од Њујорк со 112:92 на домашен терен. Ова е прв пораз за првакот пред своите навивачи оваа сезона.
Иако, настапија беш повредениот Кармело Ентони „Никси“ беа убедливи и предводени од бекот Рејмонд Фелтон, кој имаше 27 поени и 7 асистенции стигнаа до триумф. За успехот заслужен беше тимот, а дури шестмина имаа двоцифрен број поени меѓу кои и играчи од клупата.
Натпреварот беше решен во второто полувреме, откако по првиот дел беше нерешено 53:53, а во следните две четвртини Њујорк правеше разлика од по 10 поени за вкупни + 20.
Најефикасен на натпреварот беше Леброн Џејмс со 31 поен, а беше на чекор до „трипл дабл“ имаше уште 10 скокови и 9 асистенции.
На вториот натпревар одигран ноќеска Далас како гостин го совлада Феникс со 97:94.
Вечерва се играат 12 натпревари: Филаделфија – Бостон, Индијана – Денвер, Бруклин – Голден Стејт, Атланта – Вашингтон, Детроит – Чикаго, Њу Орлеанс – Мемфис, Минесота – Кливленд, Милвоки – Шарлот, Сан Антонио – Хјустон, Јута – Торонто, Оклахома Сити – Лос Анџелес Лејкерс и Сакраменто – Орландо.
Пласман во Источна конференција: Њујорк 14-4 (победи-порази), Мајами 12-5, Атланта 10-5, Бруклин 11-6, Филаделфија 10-8, Бостон 10-8,…
Пласман во Западна конференција: Мемфис 13-3, Оклахома Сити 15-4, Сан Антонио 15-4, ЛА Клиперс 12-6, Голден Стејт 11-7, Хјустон 9-8,.