Шампионот во НБА лигата, Мајами ноќеска оствари триумф на гостувањето кај Индијана и повторно поведе во финалето на Источната конфренција овојпат со 2:1 во победи. Мајами славеше со 114:96, откако сите четири четвртини ги реши во своја корист.
За Индијана ова беше прв пораз на домашен терен во плеј офот.
На полувремето Мајами водеше со 14 поени разлика (70:56), а во тој период Леброн Џејмс постигна 18 од своите 22 поена. Комплетната стартна петорка на Мајами имаше двоцифрен учинок.
Кај Индијана најефикасен беше Дејвид Вест со 21 поен.
Следниот натпревар Индијана – Мајами се игра во вторник навечер, а вечерва играат Мемфис и Сан Антонио во финалето на Западната конференција. Сан Антонио води со 3:0 во победи.