Актуелниот првак во НБА лигата, тимот на Мајами постигна победа во дуелот со Сан Антонио на домашен терен 105:100.
Најефикасен кај победникот беше Леброн Џејмс со 23 поени, додека решавачки за триумфот беше „тројката“ на Реј Ален на 22,6 секунди до крајот за во тој момент ново водство на „жешките“ со 100:98.
Ален натпреварот го заврши со 20 поени, а Двен Вејд постигна 19 поени.
Сан Антонио натпреварот го одигра без ѕвездите на тимот Тим Данкан, Ману Џинобили, Тони Паркер и стартерот Дени Грин, откако тренерот Грег Попович ги врати дома по серијата тешки натпревари во претходниот период.
На вториот натпревар одигран ноќеска Голден Стејт го победи Денвер со 106:105.
Вечерва се играат 11 натпревари: Торонто – Феникс, Шарлот – Филаделфија, Орландо – Бруклин, Бостон – Портланд, Њујорк – Вашингтон, Атланта – Кливленд, Мемфис – Детроит, Оклахома Сити – Јута, Минесота – Милвоки, Сакраменто – Индијана и Лос Анџелес Лејкерс – Денвер.
Пласман во Источната конференција: Мајами 11-3 (победи-порази), Бруклин 10-4, Њујорк 10-4, Атланта 9-4, Филаделфија 9-6,…
Пласман Западната конференција: Мемфис 11-2 (победи-порази), Сан Антонио 13-4, Оклахома Сити 12-4, ЛА Клиперс 9-6, Голден Стејт 9-6,.