Тимовите на Лос Анџелес Лејкерс, на Јута и на Далас конкурираат за последното празно место во плеј офот на „Запад“.
Од ноќеска пласман во разигрувањето изборија екипите на Голден Стејт и на Хјустон откако постигнаа победи над Минесота односно Феникс. Важна победа постигна и ЛА Лејкерс против Њу Орлеанс и ја мина Јута, која загуби дома од Оклахома Сити. Њујорк ја оствари и 13. победа по ред, а Кармело Ентони постигна 36 поени.
Резултати од ноќешните натпревари: Индијана – Кливленд 99:94, Бруклин – Филаделфија 104:83, Њујорк – Вашингтон 120:99, Мајами – Милвоки 94:83, Чикаго – Торонто 98:101, Мемфис – Шарлот 94:75, Хјустон – Феникс 101:98, Јута – Оклахома Сити 80:90, Лос Анџелес Лејкерс – Њу Орлеанс 104:96 и Голден Стејт – Минесота 105:89.
И вечерва на програмата се 10 натпревари: Филаделфија – Атланта, Вашингтон – Мајами, Орландо – Милвоки, Кливленд – Детроит, Бостон – Бруклин, Далас – Феникс, Сакраменто – Њу Орлеанс, Портланд – Лос Анџелес Лејкерс, Денвер – Сан Антонио и Лос Анџелес Клиперс – Минесота.
Пласман Источна конференција: Мајами 61-16 (победи – порази), Њујорк 51-26, Индијана 49-29, Бруклин 45-32, Чикаго 42-35, Атланта 42-36, Бостон 40-37, Милвоки 37-40,…
Пласман Западна конференција: Сан Антонио 57-20, Оклахома Сити 57-21, Денвер 53-24, ЛА Клиперс 51-26, Мемфис 53-25, Голден Стејт 45-33, Хјустон 44-34, ЛА Лејкерс 41-37, Јута 41-38, Далас 38-39.