Со кошот на 2.2 секунди до крајот на натпреварот, Тим Данкан на својата екипа и донесе водство во дуелот со Лос Анџелес Клиперс, а потоа го реализираше и дополнителното слободно фрлање за победа од 104:102.
Последниот напад гостите не го реализираа преку Крис Пол. Данкан натпреварот го заврши со 34 поени и 11 скокови.
Со триумфот над Портланд, екипата на Јута се изеначи со скорот на ЛА Лејкерси (37-36) и ја продолжуваат борбата за плеј-офот.
Резултати од ноќешните натпревари во НБА лигата: Орландо – Вашингтон 97:92, Бостон – Атланта 118:107, Њујорк – Шарлот 111:102, Детроит – Торонто 82:99, Кливленд – Филаделфија 87:97, Мемфис – Хјустон 103:94, Њу Орлеанс – Мајами 89:108, Минесота – Оклахома Сити 101:93, Сан Антонио – Лос Анџелес Клиперс 104:102, Денвер – Бруклин 109:87 и Портланд – Јута 95:105.
Двојки за вечерва: Далас – Чикаго, Атланта – Орландо, Филаделфија – Шарлот, Хјустон – Лос Анџелес Клиперс, Минесота – Мемфис, Милвоки – Оклахома Сити, Јута – Бруклин, Феникс – Индијана, Сакраменто – Лос Анџелес Лејкерс и Голден Стејт – Портланд.
Пласман Источна конференција: Мајами 57-15 (победи-порази), Њујорк 45-26, Индијана 46-27, Бруклин 42-30, Чикаго 39-31, Атланта 40-33, Бостон 38-34, Милвоки 35-36,…
Пласман Западна конференција: Сан Антонио 55-17, Оклахома Сити 53-20, Лос Анџелес Клиперс 49-24, Денвер 50-24, Мемфис 48-24, Голден Стејт 41-32, Хјустон 39-33, Јута 37-36, Лос Анџелес Лејкерс 37-36, Далас 35-37,…