Тимот на Келн за прв пат после 25 години настапува во едно европско натпреварување, а тоа беше причина за нивните навивачи во огромен број да отпатуваат на првиот гостински натпревар од групната фаза во Лигата на Европа во Лондон каде што вечерва играат против Арсенал.
За гостите биле обезбедени 2.900 билети, но во Лондон пристигнале повеќе од 20 илјади Германци со огромна желба да го проследат натпреварот.
Навивачите на Келн денес буквално го окупираа центарот на Лондон, движејќи се организирано и пеејќи навивачки песни, а проблемите почнаа да се појавуват како што се доближуваше времето за почеток на натпреварот.
Според пишувањата на британските медиуми, навивачите на Келн почнале да купуваат билети наменети за домаќините, а откако ги спречиле во тоа започнале да се регистрираат и за членски карти од Арсенал.
Поради тој хаос натпреварот беше одложен за цел час, откако од Арсенал најавија дека нема да ги пуштаат гостинските навивачи да се мешаат со фановите на Арсенал, што било и причина германците да започнат да купуваат и дресови од Арсенал, само за да влезат на стадионот.
FC Koln fans in the Arsenal home end tonight
No chance this game is going ahead. pic.twitter.com/DMzwe0VRhe
— Pints and Pyro ? (@PintsandPyro) September 14, 2017
Натпреварот започна еден час подоцна од планираното, а трибините на „Емирати“ беа преполнети со фанови на Келн, дури и во делот каде што требаше да седат фановите на Арсенал, кои неуморно пееја и го бодреа својот тим, кој пак на полувремето водеше со 0-1, но сепак на крајот загуби со 3-1.