Неверојатниот шпанско-грузиски борец дури успеа да го нокаутира Макс Холовеј, борец кој досега во кариерата не загубил на тој начин, иако се бореше со многу елитни нокаутери. Фантастичниот бокс на Топурија повторно ја направи разликата.
Така, Топурија ја забележа својата 16-та победа во исто толку професионални настапи и влезе во историјата бидејќи стана првиот борец кој го нокаутира Макс Холовеј, кој зад себе има 34 професионални ММА настапи.
Топурија е жесток навивач на Реал Мадрид и негов сон е да се бори на стадионот „Сантијаго Бернабеу“. Инаку, во моментите кога Топурија го нокаутираше Холовеј, Реал Мадрид губеше со 4:0 од најголемиот ривал Барселона, но Топурија ќе најде утеха во маестралниот настап што го приреди на настанот УФЦ 308.
Победата на овој настан ја прослави и Хамзат Чимаев кој го нокаутира Роберт Витакер и го потврди статусот на еден од најдобрите борачи кои зачекориле во рингот на УФЦ.