На еден од двата натпревара во НБА лигата одиграни ноќеска, Чикаго на домашен терен по продолжение го совлада Њујорк со 118:111 и со тоа ја прекина и неговата серија од 13.победи. Претходно „биковите“ ја запреа серијата и на кошаркарите на Мајами кои имаа 27 победи во низа.
Кај победникот најуспешен беше Нејт Робинсон со 35 поени, додека Кармело Ентони реализираше 36 поени што е негов шести натпревар по ред да постигнува 35 и повеќе поени.
На вториот натпревар Оклахома Сити го победи Голден Стејт со 116:97. Најдобар на теренот беше Кевин Дјурант со 31 поен и 10 скокови.
Вечерва се играат 12 натпревари: Торонто – Чикаго, Вашингтон – Филаделфија, Индијана – Бруклин, Атланта – Милвоки, Мајами – Бостон, Детроит – Шарлот, Кливленд – Њујорк, Њу Орлеанс – Лос Анџелес Клиперс, Хјустон – Мемфис, Далас – Денвер, Сан Антонио – Сакраменто, Јута – Минесота, Портланд – Оклахома Сити и Лос Анџелес Лејкерс – Голден Стејт.
Пласман Источна конференција: Мајами 62-16 (победи – порази), Њујорк 51-27, Индијана 49-29, Бруклин 46-32, Чикаго 43-35, Атланта 43-36, Бостон 40-38, Милвоки 37-41,…
Пласман Западна конференција: Оклахома Сити 58-21, Сан Антонио 57-21, Денвер 54-24, ЛА Клиперс 52-26, Мемфис 53-25, Голден Стејт 45-34, Хјустон 44-34, ЛА Лејкерс 42-37, Јута 41-38,…