Германскиот производител на автомобили БМВ официјално ја претстави новата серија 4 купе, кој во продажба се очекува кон крајот на годината.
Атрактивното купе во понуда ќе се најде во две изведби, 428и и 435и. БМВ 428и ќе има 2,0 литарски четирицилиндерски мотор со 240 коњски сили, додека 435и ќе има 3,0 литарски шестцилиндерски мотор со 300 коњски сили.
Двата мотори ќе бидат понудени со шестстепен мануелен или осумстепен автоматик менувач.
428и од 0 до 100 километри на час забрзува за 6 секунди, додека 435и за половина секунда помалку. Максималната брзина на двете изведби е електронски ограничена на 250 километри на час.