Селекторот на македонската репрезентација во традиционално карате, Венцислав Недев ќе учествува на ИТКФ онлајн глобален семинар со врвни светски карате инструктори.
Семинарот е закажан за 12 септември.
– На овој онлајн семинар ќе може да учествуваат сите национални врвни каратисти тренери и натпреварувачи членови на светската федерација ИТКФ. Теми на семинарот ќе бидат: практична примена на принципите во традиционалното карате, здравје, биомеханика и карате, психологија и карате, дисциплини во традиционалното карате, етика и ИТКФ судиски правила, соопштија од МТКФ.
Покрај Недев, предавачи ќе бидат и: Владимир Јорга од Србија, Џилберто Гартнер од Бразил, Ричард Јоргенсен од Канада, Елиџио Контарели од Италија и Хусто Гомез од Аргентина.