Голема велосипедска парада се одржа денеска во Кавадарци, по повод светскиот месец на велосипедизмот, во организација на Сојузот на училишни спортови од овој град.
Околу 500 велосипедисти се движеа по неколку градски улици.
– Целта е да се подигне јавната свест за значењето на возењето велосипед како здрав начин на живот. Истовремено, со оваа акција упатуваме апел да се намали употребата на автомобилите во секојдневниот живот, како превентива од загадување. Автомобилите да се користат само во неопходни случаеви, изјави Блаже Велков, координатор на проектот.
За учесниците во парадата беше обезбедена и богата лотарија спонзорирана од Сојузот и локални компании. За најсреќниот следуваше велосипед.