По само една година помината во дресот на Чикаго, Двејн Вејд се договорил со клубот да си го откупи својот договор и да може како слободен играч да си бара нова средина, објавија американските медиуми.
Откупната клаузула за предвремен раскин на договорот на 35-годфишниот Вејд изнесуваше осум милиони евра, сума што е речиси колку една третина од неговата плата во „Булс“.
Според тамошните медиуми за услугите на искусниот кошаркар кариерата се заинтересирани повеќе екипи, а најголеми шанси да го добијат неговиот потпис имаат Кливленд, Сан Антонио и Мајами.
Доколку Вејд го избере Кливленд тоа ќе значи обновување на клупската соработка со Леброн Џејмс, играчот со кого долги години заедно настапуваа во Мајами.
Вејд во својата кариера има три шампионски прстени од НБА лигата, два пати бил прогласуван за МВП во финалето и еднаш на Ол Стар дуелот.