По Мајами Хит и Чикаго Булс, кошаркарот Двејн Вејд во новата сезона ќе настапува за Кливленд Кавалирс, екипа во која игра неговиот поранешен соиграч од „жешките“ Леброн Џејмс .
Двејн вели дека се одлучил за Кливленд најмногу поради Џејмс и желбата да освои уште една титула во НБА лигата.
– Поради моите амбиции да продолжам во клуб на високо ниво, одлучив Чикаго да го заменам со Кливленд. Плус овде е мојот „брат“ Леброн. Ние веќе освоивме две титули и верувам дека ќе можеме да стигнеме и до трета, напиша на Твитер, Двејн Вејд.
Тој неодамна одлучи сам да си ја плати откупната клаузула за предвремен раскин на договорот со Чикаго и како слободен играч реши да потпише за Кливленд.
Вејд во својата кариера има добиено многу награди и признанија од кои најзначајни три шампионски прстени од НБА лигата, два пати бил прогласуван за МВП во финалето, еднаш на Ол Стар дуелот.