Ракометарките на македонскиот првак Вардар СЦБТ се на една победа до пласман во групите од Лигата на шампионите. Синоќа во италијанскотот гратче Еболи (во близина на Салерно) во полуфиналето од квалификационата група Вардар СЦБТ го победи домаќинот на групата Салерно со убедливи 35:16 (14:4).
Најефикасна на натпреварот беше Екатерина Костјукова со 6 голови, додека Маја Зебиќ постигна 5. Противник во финалето и во борбата за ЛШ ќе им биде францускиот вицешампион Флери Лоре кој ја победи руската екипа Ростов Дон со 26:21, што претставува и мало изненадување.
Почетокот на решавачкиот натпревар е во 18 часот и 30 минути, а победникот ќе игра во групата на елитното натпреварување заедно со екипите на Ларвик (Норешка), Бера Бера (Шпанија) и Подравка (Хрватска).