Ракометраките на македонскиот ракометен шампион Вардар СЦБТ ќе се обидат да изборат пласман во групната фаза од Лигата на шампионите.
Тие денеска во квалификационата група го играат првиот натпревар, а противник им е домаќинот на оваа група Јоми Салено од Италија.
Почетокот на дуелот е во 19 часот.
Во другиот натпревар (полуфинале) играат руската екипа Ростов Дон и француската екипа Флури Лоре.
Победниците од полуфиналните натпревари утре ќе играат во финалето, а победникот на групата ќе се пласира во Лигата на шампионите.
Натпреварите се играат во Еболи.