Ракометарите на Вардар го пречекуваат Рај Некар Ловен во дуел од Лигата на шампиони.
Во дуел од 3. коло на ракометната Лига на шампиони, македонскиот вице-првак Вардар вечерва од 19:30 часот во СЦ „Јане Сандански“ ќе игра против лидерот во германската Бундес лига, Рај Некар Ловен.
Во таборот на црвено-црните владее умерен оптимизам, пред се поради квалитетот на противникот, за кој тренерот Раул Гонзалес предупредува – Екипата на Рајн Некар е одличен тим. Ова ќе биде тежок натпревар затоа што се соочуваме со лидерот во Бундес германската лига кои имаа осум победи и само еден пораз. Тие се многу добар тим кој особено добро игра во одбраната, предводени од еден од најдобрите голмани во светот Ландин.
Покрај овој натпревар, денеска од Ц групата се игра и средбата Вестпрем – Монпеље.
Во групата А, во кој вчера Металуг загуби на гостувањето кај ППД Загреб, денеска се игра натпреварот меѓу П.С.Ж. и шпанската Ла Риоха,.
Кирил Лазаров со Барселона се домаќини на Бешикташ во дуел од Б група и во групата Д ќе се одиграат два натпревари, Алборг – ПИК Сегед и Киелце – Мотор Запорожје.