Македонскиот првак Вардар вечерва во Франкфурт против Рајн Некар Ловен го одигра седмиот натпревар од Лигата на шампионите.
„Црвено-црните“ ја забележаа шестата победа (27-33) во елитното натпреварување и ја задржува првата позиција во групата Б.
Најпрецизен во составот на Вардар беше Канелјас со 10 голови, Циндриќ постигна 7, додека Македа запиша 4 голови.
Одличниот Штербик забележа 13 интервенции.
Кај домаќините, составот на Рајн Некар Ловен, Гудјон Валур Сигурдсон беше најефикасен со 7 погодоци, додека Петерсон со 6 и Баена со 4 не можеа да спречат пораз за својот тим.