Шампионот Вардар заслужено стигна до победата над Работнички во дербито на 24.коло од Првата фудбалска лига.
„Црвено-црните“ триумфот го остварија со головите на Дамир Којашевиќ во 39.минута и на Бобан Николов во 90+2 минута.
На петте дуели од оваа рунда гостите освоија само еден бод и тоа последнопласираната Брегалница на гостувањето кај Победа.
Резултати: Вардар – Работнички 2:0, Силекс – Ренова 3:0, Шкендија – Македонија ЃП 5:1, Победа – Брегалница 0:0 и Шкупи – Пелистер 1:0.
Табела: Вардар 56 бодови, Шкендија 50, Работнички 39, Пелистер 36, Силекс 34, Ренова 31, Шкупи 25, Победа 21, Македонија ЃП 16, Брегалница 13.