Македонскиот ракометен шампион Вардар доби и ја прифати поканата за гостување во Германија претстојното лето на турнир што ќе го организира Гумерзбах.
– Името на Вардар во Европа е веќе добро познато, а квалитетот и постигнатите резултати на нашиот тим доволен факт да стигнуваат и многу покани за најразлична соработка. На адресата на нашиот клуб стигна и покана за гостување на турнир летово во Германија. Таму ќе играме на силен турнир чиј домаќин е бундеслигашот Гумерзбах на 12 и 13 август. На тој турнир покрај Вардар и домаќинот Гумерзбах треба да играат уште и Рајн Некар и Флензбург. Дополнително ќе биде одреден распоредот на играње на натпреварите, информира од РК Вардар.
Соработката на Вардар и Гумерзбах трае од поодамна, а пред неколку години „црвено-црните“ беа на подготовки во Германија и гости на Гумерзбах.