Македонскиот ракометен првак Вардар попладнево гостува кај првакот на СЕХА лигата унгарски Веспрем.
Ова ќе биде прв натпревар за двата тима во пресрет на дуелите од Лигата на шампионите што ги очекуваат во текот на викендот. „Вардарци“ по настапите за своите репрезентации собирот го имаа во Виена, а во Скопје поради повреда на скочниот зглоб остана голманот Петар Ангелов и ќе го очекува натпреварот со Барселона (на гости).
Во ланската сезона од СЕХА лигата Веспрем и Вардар остварија по една победа, додека унгарскиот тим беше поуспешен во меѓусебните дуели бидејќи имаше две победи во Лигата на шампионите.
Натпреварот Веспрем – Вардар почнува во 18 часот.
Двата тима имаат по шест победи и 18 бодови, но Веспрем е со максимален учинок, а Вардар има два пораза.
Табела: Татран Прешов 21 бод, Весперм 18, Мешков Брест 18, Загреб 18, Вардар 18, Нексе 12, Спартак 7, Војводина 5, Макс Струмица 2, Борац 1.