Екипата на Вардар 1961 промовираше нов играч за следната сезона за позицијата централен бек.
Сериозно засилување доаѓа во Скопје, тоа е словенечкиот ракометар Јака Малус (28), поранешен ракометар на Мешков Брест, Синфин, Гепинген, а во актуелната сезона како повратник во Словенија игра а екипата на Слован, екипа составена за освојување на титулата.
„Голема честа ми е што станувам дел од еден од најголемите ракометни клубови во регионот – РК Вардар. Свесен сум за традицијата, амбициите и очекувањата што ги носи овој клуб. Ќе ми биде посебна гордост да го носам црвено-црниот дрес и да го претставувам клубот со толку богата историја и верна армија навивачи. Доаѓам подготвен да го дадам својот максимум, како на теренот така и надвор од него, и заедно со тимот да придонесам за нови успеси. Благодарен сум за укажаната доверба и се радувам на сè што нè очекува во наредниот период, изјави Јака Малус при потпишувањето на договорот.