Македонскиот шампион Вардар попладнево е домаќин на хрватскиот првак ППД Загреб во дерби дуелот на регионалната ракометна СЕХА лига.
„Црвено-црните“ кои се на четвртото место на табелата, имаат два бода помалку од денешниот противник Загреб. Хрватската екипа има и еден натпревар помалку.
Од таборот на Вардар најавуваат атак на трите бодови, а воедно и реванш за поразот кој го претрпеа на гостувањето во Загреб кога загубија со 30:25.
Натпреварот ќе се игра во СЦ „Јане Сандански“ со почеток од 17 часот 45 минути.
Вчера, беа одиграни три средби. Макс Струмица го претрпе и десеттиот пораз и тоа на гостувањето во Нови Сад кај Војводина со 30:25.
На останатите два натпревари: Мешков Брест – Веспрем 25:37 и Борац – Спартак 28:24.
Табела: Татран Прешов 27 бодови (11 одиграни натпревари), ППД Загреб 24 (9), Веспрем 22 (8), Вардар 22 (10), Мешков Брест 21 (11), Нексе 15 (11), Војводина 11 (13), Борац 10 (12),Спартак 7 (13) и Макс Струмица 2 (12).