Извршниот комитет на СЕХА Гаспром регионалната ракометна лига донесе одлука во врска со местото и датумот на „Фајнл Фор“ турнирот за оваа сезона. Завршницата ќе се игра воВараждин, Хрватска од 1 до 3 април.
На 1 април во петок ќе се играат полуфиналните натпревари, а на 3 април (недела) се средбите за 3.место и големото финале.
Извршниот комитет на СЕХА Гаспром лигата разговарашеи за учеството на словенечките клубови во сезоната2016/2017.
– Ние сме среќни дека преговорите се одвиваат успешно и во вистинската насока, информираат од СЕХА. Се очекува во наредните денови, по потврдувањето на заинтересираните телевизии за преноси на натпреварите, да биде утврден распоредот.
Оваа сезона од македонските екипи во регионалното натпреварување се натпреваруваат Вардар кој обезбеди место на „Фајнл Фор“ и екипата на Струмица.