Тина Вајрајтер од Лихтенштајн го освои малиот кристален глобус во супервелеслалом откако денеска во Аспен на последната трка сезонава во оваа дисциплина победи пред директната конкурентка Илка Штухец од Словенија. Вајрајтер патеката ја мина за 1:11.66 минута и имаше 35 стотинки подобро време од Штухец, додека место на подиумот како третопласирана избори Федерика Брињоне од Италија која имаше само стотинка послабо време од Штухец.
За победата Вајрајтер освои 100 бодови и со вкупно 435 е прва во „супер џи“, пред Штухец со 430.
Во генералниот пласман води Американката Михаела Шифрин со 1523 бодови, пред Штухец со 1325.