Европската фудбалска федерација (УЕФА) ја казни Легија од Варшава со два натпревара играње пред празни трибини на својот стадион поради расистичко однесување на нејзините навивачи.
Легија доби и парична казна со 105 илјади евра. Санкциите кон полската екипа се изречени, откако нејзините навивачи на дуелот со Локерен во Белгија ги навредуваа домашните фудбалери на расна основа, а предизвикаа и инцидент со користење пиротехнички средства.
Натпреварот во Локерен на 28 ноември заврши со победа на домаќинот од 1:0.
Легија и претходно била казнувана поради навивачките нереди на натпреварот против Металист од Харков и истакнување на транспарент против УЕФА на мечот со Актобе.