Ракометарите на ППД Загреб вчеравечер забележаа убедлива победа на Татран Прешов со 34:26 во натпревар од регионалната СЕХА лига.
До дванаесеттиот триумф сезонава во ова натпреварување ППД Загреб го предводеше Домагој Павловиќ кој постигна шест голови.
Со новите три бодови Загреб се зацврсти на третото место на табелата со 36 бодови, три повеќе од Мешков Брест. Овие две екипи имаат одиграно еден натпревар помалку (15) од македонскиот шампион Вардар (16) кој е на втората позиција, а има 40 бодови. Лидерот Веспрем има исто така 40 бодови, но од 14 натпревари.