Од „Фигаро“ се обратиле до компанијата „Бе-Ем-Ве Франс“, која призна дека техничарите извршиле „тестови на компатибилност“ на електричните автомобили, но ги отфрли обвинувањата за шпионажа.
Француската индустриска група „Болоре“, преку својата филијала „Аутолиб“, поднесе тужба против германскиот автомобилски гигнат БМВ за индустриска шпионажа.
„Аутолиб“ раководи со паркот на електрични автомобили за изнајмување во Париз. Како што објави порталот Фигаро.фр, двајца германски државјани на 5 септември дошле на станиците каде што се полнат и одржуваат електричните автомобили на „Болоре“ и се претставиле како вработени задолжени за нивно одржување.
Но, тие биле вработени во германското претпријатие „П-3 Груп“, кое е ангажирано од БМВ околу изработката на нејзиниот електричен автомобил „и3“.
Вработените задолжени за прием на клиентите, на 21 август на станица на „Аутолиб“ во Париз, забележале лица со информатички материјал во нивниот автомобил, како се интерсираат за станиците за полнење на автомобилите. Истата сцена се повторила и на друга станица, каде што дцајцата осмничени за индустриска шпионажа објасниле дека вршат рутински контроли, по што исчезнале.
Од „Фигаро“ се обратиле до компанијата „БМВ Франс“, која призна дека техничарите извршиле „тестови на компатибилност“ на електричните автомобили, но ги отфрли обвинувањата за шпионажа. БМВ тврди дека техничарите на „П-3 Груп“ на денот на апсењето не работеле по нивна нарачка, туку по нарачка на друг автомобилски конструктор.