Одбојкарките на Турција се последните кои се пласираа на Европското првенство чија завршница се игра во Баку, Азербејџан.
Во последниот меч од четвртфиналната рунда Турција ја победи селекцијата на Русија со 3:0 по сетови 27-25, 25-18 и 25-20.
Со оваа победа Турчинките се изборија за место во „големата четворка“ која ќе разигрува за медалите.
Тие во полуфиналето за противник ќе ја имаат селекцијата на Србија, додека во другиот полуфинален меч ќе играат Холандија и домашната селекција на Азербејџан која попладнево во четвртфиналето со 3-0 ја победи Германија.
Полуфиналните мечеви на програмата се утре, а во недела ќе се играат дуелите за медал.