Суспензија од пет натпревари му е изречена на фудбалерот на Борусија Менхенгладбах, Маркус Турам, поради плукање противнички играч, соопшти попладнево Германската фудбалска асоцијација.
Французинот на мечот од Бундеслигата против Хофенхајм, во саботата, го плукна в лице противничкиот играч Стефан Пош, по што беше исклучен и критикуван од своите соиграчи и тренерот на Менхенгладбах.
Максималната казна, како што е образложено, може да изнесува шест натпревари, доколку Турам го повтори истиот прекршок во рок од една година.
Маркус Турам, кој е син на поранешниот француски репрезентативец Лилиан Турам, е казнет и со 40.000 евра, додека неговиот матичен клуб претходно, исто така, му изрече парична казна во висина од една плата, а парите ќе бидат донирани во хуманитарни цели.
Турам подоцна се извини за инцидентот, но рече дека „случајно“ го плукнал противникот.