Кошаркарите на Чикаго поведоа со 3-1 во победи откако ноќеска по три продолженија го победија Бруклин со 142:134.
Натпреварот траеше речиси 4 часа, а се играа 63 ефективни минути. Најефикасен на натпреварот беше Нејт Робинсон од Чикаго со 34 поени.
Оклахома Сити го совлада Хјустон како гостин, а Кевин Дјурант имаше 41 поен и 14 скокови. Оклахома Сити настапи без повредениот Расел Вестбрук, кој поради операцијата на коленото ќе го пропушти плеј офот.
Резултати од ноќешните дуели во 1.коло од разигрувањето за титулата во НБА лигата: Чикаго – Бруклин 142:134 (3-1 во победи), Мемфис – Лос Анџелес Клиперс 104:83 (2-2), Хјустон – Оклахома Сити 101:104 (0-3) и Атланта – Индијана 90:69 (1-2).
Вечерва се играат натпреварите: Бостон – Њујорк (0-3), Милвоки – Мајами (0-3), ЛА Лејкерс – Сан Антонио (0-3) и Голден Стејт – Денвер (2-1).