Во регионалната ракометна СЕХА лига денеска ќе се играат три натпревари од 14.коло. Македонскиот вицепрвак екипата на Макс Струмица која досега нема победа во регионалната конкуренција, гостува во Нови Сад кај составот на Војводина. Овој натпревар ќе започне во терминот од 19 часот и 30 минути.
Од 17 часот ќе стартува средбата меѓу Мешков Брест и Веспрем, а во последниот натпревар од 20 часот ќе играат Борац и Спартак.
Утре, во Скопје од 17:45 часот, на програмата е дербито меѓу македонскиот шампион Вардар кој во моментов е на третата позиција на табелата и хрватскиот првак ППД Загреб кој е второ рангиран.
Табела: Татран Прешов 27 бодови (11 одиграни натпревари), ППД Загреб 24 (9), Вардар 22 (10), Мешков Прест 21 (10), Веспрем 19 (7), Нексе 15 (11), Војводина 8 (12), Борац 7 (11), Спартак 7 (12) и Макс Струмица 2 (11).